Ka lënë qelinë edhe Durim Bami. Vendimi i sotëm i Gjykatës së Lartë, e kthen atë “në “arrest shtëpie”. Durim Bami ishte i vetmi që ndodhej nën masën e arrestit me burg, të caktuar ndaj tij nga po e njëjta gjykatë, pasi ishte në proces të bashkëlidhur me dy deputetët, Tom Doshi dhe Mark Frroku, në bashkëpunim me të cilët dyshohet se sajoi një skenar për vrasje deputetësh.
Durim Bami është marrë i pandehur për akuzën e kallëzimit të rremë, e njëjta akuzë që rëndon dhe mbi supet e deputetëve Tom Doshi e Mark Frroku.
Durim Bami, njëri ndër protagonistët kryesorë në çështjen “Doshi”, i ishte drejtuar Gjykatës së Lartë, duke kërkuar ndryshimin e masës së sigurisë nga “arrest në burg” në një masë më të butë. Kërkesa e depozituar në sekretarinë e Gjykatës së Lartë, u shqyrtua sot dhe në përfundim të saj, Gjykata e Lartë vendosi masën e sigurisë “Arrest shtëpie”.
Avokati i 36-vjeçarit nga Fushë-Kruja i kërkoi trupit gjykues shpalljen si të paligjshme të arrestimit te klientit të tij, pasi sipas mbrojtësve ligjore, Bami është arrestuar për një krim që nuk ekziston dhe që nuk ka ndodhur.
Njeriu i cili në dëshminë e filmuar nga deputeti i Shkodrës, Tom Doshi, deklaroi se ishte Ilir Meta dhe Fatjon Skënderaj që kishin paguar 500 mijë euro për të ekzekutuar Doshin.
Durim Bami është personi që deputeti i përjashtuar nga PS, Tom Doshi pretendon se është paguar nga kryeparlamentari Ilir Meta për të vrarë Tom Doshin dhe deputetin demokrat Mhill Fufi më se gjashtë muaj më parë.
Pak ditë më parë, prokuroria ndryshojë akuzën ndaj tij, nga tentative vrasje të funksionarëve publikë në kallëzim të rremë. Ndërkohë, në të gjitha dëshmitë që ka dhënë para hetuesve 36-vjeçari nga Fushë-Kruja ka rrëzuar versionin e deputetit Doshi duke thënë se është porositur prej tij për të sajuar historinë e atentatit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
