Kandidati i Partisë Social Demokrate Albert Çaçi në një deklaratë për mediat thekson se vendosi të kandidojë nën siglën e PSD-së pasi PS nuk i mbajti premtimet.
Çaçi shprehet se është regjistruar në KQZ me mbi 300 firma.
“S’kam kundërshtar por kam një alternativë timen. PS nuk i mbajti premtimet por kam mbështetjen e Dritan Priftit”, sqaron Çaçi.
Ish-deputeti socialist, Albert Çaçi është zyrtarisht kandidat i PSD-së për bashkinë e Fierit. Prej disa javësh ishte përfolur emri i Albert Çaçit dhe kandidimi i tij për PSD-në e Skënder Gjinushit. Ai ka qenë deputet i PS-së për tre legjislatura deri në vitin 2013, zëvendësministër në qeverinë e Fatos Nanos dhe një nga eksponentët e lartë të PS-së në Fier.
Albert Çaçi, kandidati i PSD në Fier: PS nuk mbajti premtimet, kam mbështetjen e Dritan Priftit
