Gazeta e njohur britanike “Daily Mirror” ka bërë prezantimin e Shqipërisë në garën për Eurosong dhe pas një ankete që ka kryer gazeta, 74.5 për qind e të anketuarve janë që Britania t’ja jep 12 pikë Shqipërisë. Kënga e Elhaida Danit “I’m Alive” po konsiderohet si këngë favorite sivjet për ta fituar Eurosongun. Për Elhaidën po shkruajnë pothuajse të gjitha mediat europiane dhe konsiderohet ndër më të kuotuarat në këtë pragfestival.
Elhaida tashmë është emër i njohur në gjysmën e Europës qoftë edhe për arsye se dy vjet më parë ajo u shpall zëri më i mirë edhe i Italisë.
Elhaida është një zë i fuqishëm në këtë garë, edhe nëse kënga e saj nuk është aq argëtuese ka një gjë që bën që ju të drithëroheni nga ajo. Lirikisht, nuk mund të themi se është një botë e ndriçuar, por vokalisht, Elhaida fluturon në një rang të lart dhe bën që kjo këngë do të jetë konkurrente serioze, shkruan Mirror. Paraqitja më e mirë e Shqipërisë në Eurosong ishte ajo e Rona Nishliut me këngën Suus që arriti në vendin e pestë por sivjet pritjet janë më të mëdha për Shqipërinë.
“Mirror”, tabloidi i famshëm për Elhaiden: Britania t’i japë 12 pikë
