Kopja e parë e romanit “100 vjet vetmi” e autorit kolumbian Gabriel Garcia Marquez është vjedhur në panairin ndërkombëtar të librit në Bogota.
Lajmi është bërë i ditur nga organizatorët e eventit, të cilët thanë së libri është vjedhur në ekspozitën në nder të autorit fitues i çmimit Nobel, i cili njihet botërisht për stilin e tij fantastik, ndërthurur me realizmin magjik.
Panairi, i cili hapi dyert javën e kaluar, është një përkujtim i veçantë për shkrimtarin që u nda nga jeta në prill të vitit të kaluar, në shtëpinë e tij në Meksiko Siti në moshën 87 vjeçare. Libri, i cili mendohet se vlen mijëra dollarë u zhduk nga një dollap i mbyllur në qendrën e ekspozitës Corferias në Bogota.
Presidenti i dhomës së librave në Kolumbi shpreh keqardhjen për humbjen e kësaj vlere të letërsisë.
“Corferias dhe Dhoma kolumbiane e librit shpreh keqardhjen për incidentin që ka ndodhur këtu në pavijonin e Macondos, në krahun e bibliotekës së Macondos”, tha Gonzalez.
Media vendase njoftoi se botimi i parë i vitit 1967 i përkiste Alvaro Castillos, i cili e ka blerë atë në vitin 2006, në kryeqytetin e Uruguait.
Autoritetet po ekzaminojnë videot e sekuestruara nga ekzpozita në përpjekje për të kapur dhe identifikuar autorin.
Gonzalez shtoi se vjedhja është disi e çuditshme, pasi libri ishte i mbyllur me një sërë librash të tjerë.
“Kjo është edhe arsyeja që kanë nisur hetimet”, tha ai.
Libri gjerësisht i lexuar dhe i dashur në mbarë botën, “100 vjet vetmi”, është edhe vepra që i dha nobelin Markezit në vitin 1982.
Vidhet në panair kopja e parë mijëra dollarëshe “100 vjet vetmi” të Gabriel Garcia Marquez
