KQZ i bën thirrje partive politike të ndalojnë fushatë zgjedhore deri më 21 maj, dita kur zyrtarisht nis kjo fushatë.
Në mbledhjen e sotme të KQZ, kryetarja Lefterie Luzi bëri këtë thirrje publike duke lexuar dhe nenet e kodit zgjedhor të cilat parashikojnë sanksionet në rast të mos respektimit të ligjeve. “Fushata nis zyrtarisht më datë 22 Maj dhe se kushdo që shkel Kodin Zgjedhor, tha ajo, do të dënohet me gjobë nga 100-500 mijë lekë të reja”, u shpreh Lleshi.
Prej ditësh, partitë kryesore politike shqiptare. PD, PS, dhe LSI, shkelin hapur Kodin Zgjedhor të miratuar nga vetë ata me konsensus.
Partia Socialiste, Partia Demokratike apo Lëvizja Socialiste për Integrim po organizojnë prej disa javësh takime elektorale, në të cilët, krerët e tyre prezantojnë kandidatët për bashkitë dhe kërkojnë votën e qytetarëve në këmbim të premtimeve të ndryshme. Këto takime të organizuara me militantë, slogane e postera elektoralë, në funksion të zgjedhjeve të 21 Qershorit, janë në shkelje të hapur të Kodit Zgjedhor.
Neni 77 i Ligjit të Zgjedhjeve përcakton se, “Fushata zgjedhore fillon 30 ditë para datës së zgjedhjeve dhe përfundon 24 orë para datës së zgjedhjeve”.
Në respekt të këtij neni, ata janë të detyruara që fushatën elektorale ta nisin më 21 maj dhe ta përfundojnë atë më 20 Qershor, në ditën para zgjedhjeve, për të respektuar heshtjen zgjedhore.
Kodi Zgjedhor i detyron jo vetëm partitë politike që të respektojnë afatet e kritere të tjera të fushatës, por edhe mediat.
Partitë politike shkelin Kodin Zgjedhor, KQZ: Ndalni fushatën deri më 21 maj
