Kryetari i LSI-së, Ilir Meta tha se gara e Tiranës është hapur, edhe pse shprehu mbështetjen për Veliajn. Zakonisht në kohë gare, politikanët mbrojnë fort kandidatët e tyre. I cuditshëm ky neutralitet i kryetarit të LSI tek “Studio e Hapur” të News24.
Çfarë mendoni për garën për Tiranën?
Tirana është një garë e hapur, ka shumë kandidatë
Në Shkodër, një garë e veçantë mes dy zonjave?
Është gara më e bukur në Shqipëri. Kjo është meritë e Ketit, pasi nëse nuk do kandidohej ajo, do vihej një tjetër në vend të Voltanës.
Ju e njihni Voltana Ademin? Se kryeministri nuk e njihte?
Unë e njoh Voltanën dhe kam respekt. Por merita i takon Ketit. Është garë interesante e këtyre zgjedhjeve.
…Mendoni se i ka krijuar një kosto LSI-së, implikimi tuaj në një akuzë për porositje të një vrasje?
Nuk ka asnjë lloj implikimi, më implikuan mua të tjerët.
Çfarë mendoni për gjithë këtë çështje?
Nuk kam asnjë lloj mendimi. Nuk ka ekzistuar për mua asnjë histori. Më vjen keq për ata që besuan në këta skenarë kaq të neveritshëm.
