Majko këndon në fushatë te Njësia 5: Kam fiq te shtëpia, dua të bëhem si Erion Veliaj

Erion Veliaj ka vazhduar takimet elektorale për zgjedhjet vendore të 21 qershorit, i shoqëruar nga Pandeli Majko, me banorët e Njësisë 5 në Tiranë.
Në fjalën e tij, deputeti socialist Pandeli Majko nuk kurseu as batutat dhe as ironitë e batutat në takimin e tij me Veliajn.
“Kam një shok në Selitë dhe më tha se atje ka nisur të këndohet një këngë me tekst ‘kam fiq te shtëpia, dua të bëhem si Erion Veliaj”, u shpreh Majko.
Ish-kryemsitri shpjegoi edhe pse i kishte dhënë teserën e PS­së kandidatit për bashkinë e Tiranës, Erion Veliajt, duke thënë se ditën që e bërë këtë veprim, pati shumë njerëz që i thanë se bëri gabim, pasi Veliaj i kishte rrëzuar nga pushteti.
“Unë iu përgjigja se kur në vitin 1991 trokita në PS, vija nga lëvizja studentore. Ishte pikërisht lëvizja që kishte përmbysur regjimin komunist, por në fund të fundit thelbin e vet kishte
partinë në dyert e së cilës unë trokita”, tha Majko.
Kandidati i PS­së për Bashkinë e Tiranës, Erjon Veliaj, tha se njësia 5 katër vite më parë ka qenë njësia që u bë e famshme në të gjithë Republikën e Shqipërisë për numërimin e orëve të fundit dhe gëzimin e fitores nga socialistët.