Edhe Kosova po e kthen në traditë 5 majin si ditën e dëshmorëve. Kryeministri Isa Mustafa ka bërë homaxhe sot për nder të dëshmorit të luftës në Kosovë, Dashnor Bajaziti. Ai postoi më pas në FB: “Në çaste të tilla, ne kthejmë kokën pas për të shikuar me dhembje kah sakrificat e mëdha që i janë dashur popullit të Kosovës për të arritur lirinë. Janë këto çaste të tilla, të veçanta, siç është 5 Maji, në të cilin hedhim me krenari shikimin rreth bëmave madhështore të bijve dhe bijave më të mira të këtij vendi, të cilët dhe të cilat në kohë dhe rrethana të ndryshme flijuan jetën e tyre, me qëllim që atdheu ynë, Kosova jonë e dashur, të dalë nga zgjedha e robërisë”.
5 maji ka qënë një festë lokale shqiptare dhe lidhet me datën e vrasjes së Qemal Stafës në Tiranë në vitin 1942 nga fashistët italianë. Në fakt ende nuk janë të zbardhura në mënyrë të besueshme rrethanat e vrasjes së tij. Qemal Stafa ishte drejtues i rinisë komuniste të Shqipërisë dhe mendohej si një ndër zërat më të rëndësishëm të modës politike të kohës.
Kosova po na e merr 5 majin!
