Nga 17 subjekte të kontrolluara më shumë se gjysma e tyre janë proceduar penalisht, 4 pronarë janë vënë në pranga, 2 të tjerë sapo të kapen, dhe 3 pika karburanti janë mbyllyr. Në kuadër të Operacionit për ” Kontrollin cilësor, sasior e fiskal të hidrokarbureve” , që ka nisur që prej 4 prillit, nga grupet ndërinstitucionale të punës me specialistë nga Doganat , Tatimet, Drejtoria e Përgjithshme e Metrologjisë, Inspektoriati Qëndror Teknik , si dhe Policia e Shtetit përfshi edhe Specialistët nga Krimi Ekonomiko- Financiar dje dhe sot janë zhvilluar një sërë kontrollesh ndaj subjekteve private të tregtimit të karburanteve në disa qytete dhe konkretisht:
Janë kontrolluar 17 subjekte në Tiranë, Durrës , Fier e Lezhë.
Janë proceduar penalisht për fshehje të ardhurash 9 subjekte.
Janë arrestuar katër pronarë të subjekteve të tregtimit të karburanteve si dhe janë shpallur në kërkim dy të tjerë.
Gjithashtu nga Tatimet u bllokuan tre aktivitete tregtimi karburantesh.
Operacioni do vijojë edhe në ditët e ardhshme.
Arrestohen 4 pronarë karburantesh, 2 në kërkim
