Rama batuta në Kukës: Po ja fike gruas, të fiku. Për burra jemi burra ne, por kur shkojmë në shtëpi dihet kush komandon

Edi Rama ka vizituar sot Kukësin ku ka ndarë edhe disa certifikata legalizimi. Gjatë këtij takimi, ai nuk kursyer as batutat me banorët në Kukës.
Duke u ndalur tek leja e legalizimit Rama tha se ajo është një garanci që këta banorë të marrin një kredi, për të investuar më pas aty ku kanë nevojë.
Gjatë vizitës në Kukës, Rama vizitoi edhe spitalin e Kukësit , prej nga u shpreh se “20 vite plagë të infektuara nga keqqeverisja s’mbyllen për 18 muaj, por kurimi ka filluar”.
Në takimet në qytetin verilindor, Rama tha se qeveria i ka kthyer sytë nga Kukësi dhe se ka nisur shërimin e plagëve 21 vjeçare këtij qyteti, nga keqqeverisja. Përveç investimeve në spitalin e Kukësit do të investohet për ta të transformuar hapësirën e konviktit dhe gjimnazit të Kukësit.

Batutat e Edi Ramës me banoret në Kukës
Rama: Po të merr dikush në tel, mos e mbyll, se mos te merr gruaja, se po ja fike gruas të fiku. E di ti se për burra jemi burra ne por kur shkojmë në shpi pastaj, dihet se kush komandon.
Banori: Ne nga Kukësi si pyesim gratë shumë.
Rama: Ashtu thoni ashtu thoni po kur i bëni gjërat pa leje pastaj, i duroni, e di unë se sa i duroni. Është ministrja e Brendshme gruaja, por jo si Flamuri.
Banori: Falënderoj Artan Lamen me shokë…
Rama: Jo me shokë, me shoqe se shiko sa shoqe ka Artan Lamja këtu.
Banori: Me dal jashtë teme a ban?
Rama: Ma bëj atë pyetjen si kryeministër se këtu jemi për shtetin, se për partinë jemi pas pak atje
Banori: Kërkesë si kryetar i PS me riorganizu partinë në Kukës, dhe e dyta, kemi një premtim tonin në zgjedhjet e 2013, premtove për përmbytjet..
Rama: Të jesh i sigurt që do merrem.

/DRONI.al/