Durrës, banorët plagosin 28-vjeçarin, e ngatërruan me hajdutin

Një 28­vjeçar ka mbetur i plagosur rëndë, pasi është qëlluar me armë zjarri. Ngjarja ka ndodhur në fshatin Katund Sukth. Nga hetimet e para dyshohet se i riu është qëlluar gabimisht nga banorët të cilët kanë dyshuar se ishte hajdut.
Ngjarja konfirmohet edhe nga polica lokale e cila bëri të ditur se, Julian Vlashi, që ka mbetur i plagosur është ngatërruar nga disa banorë, të cilët kanë dyshuar gabimisht për hajdut dhe kanë shtënë në drejtim të tij. Policia bën me dije se ka shpallur në kërkim autorin, emri i të cilit nuk bëhet i ditur. Ndërkohë që vijojnë hetimet për zbardhjen e plotë të kësaj ngjarjeje.