Vazhdon “aksioni” i Policisë për prishjen e banesave në SHkozë. Situata po shoqërohet edhe me qëndrime të dhimbshme, të banorëve, ku gratë e fëmijët qajnë, por askënd nuk prekin lotët e tyre.
Një video rrëqethëse është publikuar nga Nisma Thurje në rrjetet sociale, ku një grua me fëmijën në krahë qan para policëve duke i kujtuar familjet dhe fëmijët e tyre në shtëpi. Video më poshtë:
Ndërkohë, një nga shtëpitë ku po ndërhyhet është edhe ajo e vogëlushit, që pak ditë më parë qante me dënesë për babanw e tij, teksa e merrnin forcat e policisë.
Mësohet se është bërë prerja e objektit me mjete prerëse dhe më pas do të vijojë shembja. Nga familja po bëhet zhvendosja e plaçkave.
Projekti për zgjatimin e bulevardit të Lanës financohet dhe realizohet nga qeveria.
Banorët nuk janë kundër projektit, por kërkojnë dëmshpërblim për pronat, sepse thonë se janë vendosur në vitet ’80 dhe ishin në proces legalizimi.
https://www.facebook.com/thurje/videos/656890507853454/
https://www.facebook.com/thurje/videos/655111234698048/
