Komisioni Qendror i Zgjedhjeve me 4 vota pro dhe 3 kundër ka marr vendimin për t’ju drejtuar Prokurorisë për t’i mundësuar dokumentacione shtesë për deputetin Armando Penga, për të cilin organi akuzës kërkon ndërprerje të mandatit pasi nuk ka deklaruar ne formularin e vetëdeklarimit një dënim të formës së prerë të dhënë nga Gjykata e Rrethit Gjyqësor Kurbin, për veprën penale te “Falsifikimit te dokumenteve” me 450 mijë lekë gjobë.
3 anëtaret që e propozuar nga e djathta në KQZ nuk e shohin të nevojshme kërkesën drejtuar Prokurorisë, pasi sipas tyre Prenga është në kushtet e ndërprerjes se mandatit sa kohe ka gënjyer në formularin e vetëdekarimit si detyrim i ligjit te dekriminalizimit.
Por ndryshe mendojnë kryetari i këtij institucioni që kujtoi se të njëjtën procedurë kanë ndjekur dhe në rastin e 2 deputeteve Tahiri, Selami dhe kryebashkiakut të Kavajës.
Sipas prokurorisë deputeti Armando Prenga rezulton me precedentë penale në Itali për vjedhje pasurish, falsifikime, marrje të pasurisë së vjedhur, deklarata për identitet të rremë në vitet 1996 – 1997 në qytetin e Milanos.
Prokuroria publikoi edhe dokumente që tregonin se Prenga kishte mbajtur të paktën 10 identitete të ndryshme në Itali. Te dhëna këto të konfirmuar nga komunikimi zyrtar me autoritetet italiane. Sipas prokurorisë, KQZ ka qenë në dijeni të fshehjes se një dënimi nga deputeti Prenga që 27 maj 2016, por nuk ka bërë kallëzim penal sipas ligjit.
Inkriminimi i Armando Prengës vetëm KQZ-në nuk bind, kërkon informacione shtesë për “bëmat” e tij
