Kryeministri Edi Rama u shpreh “i habitur” sot, pse kryepolici Haki Çako u pezullua disa muaj më parë, për një aferë të dyshimtë me pajisjen e përgjimit. Kjo “habi” e kryeministrit, është pritur me ironi nga deputetja e PD-së Liljana Elmazi, sipas së cilës, Rama ka zbuluar një tjetër Kushtetutë për kryepolicin.
“Sot Rama: ‘Ku keni parë ju që pezullohet nga detyra Drejtori i Përgjithshëm i Policisë’, duke folur për një vendim të gjykatës administrative. ‘Ai mund të arrestohet, por jo të pezullohet’.
Unë kam një pyetje për Kryeministrin: Ka tjetër Kushtetute për drejtorin e policisë? Se në atë tonën që unë njoh si Kushtetuta e Republikës së Shqipërisë thuhet që të gjithë shtetasit janë të barabartë para ligjit”, ironizon deputetja e PD-së Liljana Elmazi.
