Një grup hakerash me nofkën “Fancy Bears’ kanë publikuar sot listën e lojtarëve të ndryshëm në Botërorin 2010, të cilët kanë deklaruar gjatë analizave antidoping se kanë marrë substanca të palejuara apo u janë lejuar të përdorin të tilla me vendim të argumentuar nga mjeku.
Grupi i hakerave “Fancy Bears”, me bazë në Rusi, deklaroi se vetëm në vitin e kaluar kanë rezultuar pozitivë më shumë se 200 futbollistë, ndërsa emra të mëdhenj si Tevez, Veron, Mario Gomez, Kamoranesi apo Kajt, kishin pasur leje të përdornin substanca që nuk u lejoheshin sportistëve të tjerë në aktivitete madhore. Grupi bëri të ditur se do të vazhdonte publikimin e dokumenteve për të vërtetuar se futbolli nuk ishte i pastër sa pretendonin autoritetet.
Në dokumentet e publikuar, shfaqen listat nga laboratorë të ndryshëm të botës, të gjitha pa emrat e lojtarëve, ku shihen qartësisht se shumë futbollistë kanë rezultuar pozitive ndaj testeve anti-doping, ndaj substancave të ndryshme.
Futbollistët në listën e atyre që përdornin substanca me leje në Botërorin 2010
Algjeri: Riad Budebu, Karim Matmur
Argjentinë: Diego Milito, Karlos Tevez, Huan Veron, Gabriel Hainze, Valter Samuel
Kili: Fabian Ariel Orejana, Humberto Andres Suazo
Bregu i Fildishtë: Kanga Salbutamol Akale
Gjermani: Kristian Trash, Mario Gomez, Hans-Jorg But, Denis Aogo
Greqi: Georgios Tzavellas, Pantelis Kapetanos
Itali: Viçenco Jaquinta, Mauro Kamoranesi
Holandë: Dirk Kajt
Zelanda e Re: Tim Braun, Kosta Barbaruses, Rajan Nelson
Sllovaki: Martin Jakubko
Slloveni: Marco Shuler
SHBA: Hith Pirs
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
