Drejtuesja historike e “Big Brother” në Top Channel ka deklaruar se reality shou i këtij viti është ndryshe nga edicionet e tjera lidhur me sjelljen e banorëve brenda tij.
Big Brother 9 do të nisë me 4 mars edhe pse ende nuk është një datë e konfirmuar zyrtarisht nga produksioni
“Ndryshe nga vitet e tjera, këtë herë BB do të fokusohet te dashuria, ndaj edhe janë më të hapura pjesëmarrjet në çift: të dashur, të fejuar, të martuar. Por nuk është kjo e vetmja risi. Nëse më përpara kërshëria ka qenë a do ketë lidhje brenda në ‘Big Brother’ dhe a do kryhen marrëdhënie seksuale, këtë vit, me sa di unë, nuk do të lejohen njerëzit që të kryejnë seks, dhe ky është rregull i padiskutueshëm. Nëse thyhet, ata do të përjashtohen”, tha Arbana Osmani në një nga intervistat e saj të fundit në “Top Channel”.
Një e re në këtë edicion është edhe “Motra e Big Brother”, që hyn në lojë me të njëjtin rol si të Vëllait të Madh.
Ajo është “kujdestarja e shtëpisë” dhe ka për qëllim të ndryshojë fatin e banorëve, t’i vendosë ata në prova të ndryshme, por edhe mund t’i largojë nga shtëpia.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
