Berat, përplasen dy makina, raportohen të plagosur

Dy makina janë përplasur më njëra tjetrën dhe si pasojë kanë mbetur të plagosur tre persona.
Ngjarja ndodhi para pak minutash në rrugën nacionale Urë Vajgurore-Berat.
Të plagosurit janë dërguar drejt spitalit të Beratit dhe mësohet se janë jashtë rrezikut për jetën.
Dyshohet se aksidenti ndodhi pasi dy makinat po udhëtonin me shpejtësi të madhe dhe duke mos rrespektuar rregullat e qarkullimit rrugor.
Njëri nga mjetet deshi të kthehet djathtas pa ndezur sinjal dhe kjo bëri që të goditej nga mjeti tjetër tip “Benz” që ndodhej pas tij.