Kryeparlamentari Ilir Meta ka urdhëruar sot thirrjen e Kuvendit në një seancë të jashtëzakonshme, në rend të së cilës është pikërisht votimi i Komisionit të Vettingut. Kuvendi pritet të mblidhet në orën 18:00.
Vendimi për mbajtjen e kësaj seance u mor të premten, pasi Avokati i Popullit i dorëzoi listën e OMN-së me rekomandimet e kandidatëve që pritet të bëjnë Vettingun
Opozita, sikurse ka paralajmëruar, nuk do të jetë as në seancën e sotme të Kuvendit.
Rendi i ditës
Projektvendim “Për procedurat parlamentare për funksionimin e komisioneve ad hoc dhe realizimin e procesit të votimit sipas ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” (neni 55, Rregullore, votim me shumicë të thjeshtë).
Projektvendim “Për krijimin dhe përbërjen e komisionit ad hoc për verifikimin e kandidatëve për institucionet e rivlerësimit sipas ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” (neni 55, Rregullore, votim me shumicë të thjeshtë).
