Po cilët janë ministrat e rinj qe do të zëvendësojnë katër të larguarit nga qeveria? Burime nga Këshilli i Ministrave bënë të ditur për TV Klan se për të zëvendësuar Saimir Tahirin në drejtimin e Ministrisë së Brendshme përfliten tre emra.
Favorit duket zëvendëskryeministri Niko Peleshi. Por në garë janë edhe dy deputetët, Ermonela Felaj dhe Vexhi Muçmata, që të dy ish-prokurorë.
Si pasues të Blendi Klosit në ministrinë e Çështjeve Sociale përfliten Vasilika Hysi e Olta Xhaçka. Për dy dikasteret e tjera, atë të Shëndetësisë dhe atë të Çështjeve Vendore, duket kryeministri Rama nuk ka vendosur ende se cilët do të jenë pasues.
EMRAT/ Kush do të jenë ministrat e rinj në qeveri
