Një adoleshent shqiptar është zhdukur në mënyrë misterioze në Britani. Bëhet fjalë për shqiptarin Klodian Marku, i cili është larguar nga shtëpia e tij në Brighton rreth 3 javë më parë dhe që atëherë ka humbur gjurmët.
I riu 16-vjeçar u pa për herë të fundit nga kujdestari i tij në rrugën “Eastbourne”, të shtunën e 21 Majit, raportojnë mediat lokale. I riu i tha atij se po dilte dhe do të kthehej në shtëpi në orën 23.
Policia u bën thirrje personave që kanë informacion për shqiptarin të kontaktojnë në numrin 999 (ata që jetojnë në Britani), ose në adresën e postës elektronike 101@sussex.pnn.police.uk.
Një zyrtare e policisë lokale tha se kjo është hera e parë që Klodjani nuk kthehet në shtëpi dhe “kjo nuk është në natyrën e tij”.
FOTO & EMRI/ Britani, zhduket në mënyrë misterioze i riu shqiptar
