Këshilli për Rregulloren, Mandatet dhe Imunitetin mblidhet sot në orën 10:00 për të shqyrtuar kërkesën e Prokurorisë së Përgjithshme për dhënie autorizimi për arrestimin ose heqjen e lirisë si dhe për të ushtruar kontroll personal dhe të banesës ndaj dy deputetëve, Tom Doshi dhe Mark Frroku.
Kjo do të jetë mbledhja e dytë për një çështje të tillë, pasi në takimin e pasdites së të shtunës Këshilli i Mandateve me kërkesë të deputetit Doshit shtyu për ditën e hënë shqyrtimin dhe marrjen e një vendimi mbi kërkesën e Prokurorisë.
Doshi kërkoi një javë kohë për t’u njohur me materialin, por në fakt iu dha vetëm një ditë kohë.
Nga ana e tyre, demokratët sqaruan se procedurialisht ishin dakord me kërkesën e prokurorisë, pasi nuk pengojnë veprimtarinë e saj, por nuk janë dakord me përmbajtjen deri sa Kryetari i Kuvendit si i akuzuar kryesor nuk hetohet në të njëjtat pozita.
Gjithashtu, marrë shkas nga mbledhja e këtij Këshilli demokratët e kanë shfrytëzuar këtë mbledhje për të futur në procedurën e tij edhe kërkesën e tyre për mandatin e Kokëdhimës, i cili sipas demokratëve ka përfituar fonde publike, ndërsa zotëronte ende aksionet e “Abissnet”
Mbledhja e Këshillit të Mandateve paraditen e së hënës mbahet një ditë para dialogut të nivelit të lartë Shqipëri-BE, ku për herë të parë vjen Komisioneri i i për Zgjerimin Johanes Han.
Këshilli për Rregulloren, Mandatet dhe Imunitetin vendos sot për fatin e Doshit, Frrokut dhe Kokëdhimës
