Gjykata e Londrës ka dënuar me mbi 50 vite burg, 7 shqiptarë të arrestuar shatorin e vitit të kaluar për trafik droge. Për një tjetër anëtarë të kësaj bande, dënimi do të jepet javën e ardhshme.
Mësohet se shqiptarët e dënuar janë Taulant Bushi, 37 vjeç, Enrik Mullahi, 27 vjeç, Aurel Hoxha, 27 vjeç, Albert Krasniqi, 27 vjeç, Artur Sufaj, 36 vjeç, Olsin Llanga, 28 vjeç dhe Blendi Këlliçi, 26 vjeç. Llanga dhe Sufaj janë dënuar me nga 10 vite e 8 muaj burg, Mullahi për 8 vite, ndërsa Krasniqi, Këlliçi, Hoxha dhe Bushi u dënuan me nga 6 vite burg. Ndërkohë për anëtarin e 8 të bandës shqiptare të trafikut të drogës në Britani, për 34-vjeçarin Bledar Vranari vendimi i Gjykatës së Londrës do të jepet javën e ardhshme.
Arrestimet e para u bënë në shtator të 2014 ndërsa policia gjeti në banesën e të arrestuarve kokainë dhe mjete për përpunimin e lëndës narkotike.
Mediat britanike bëjnë me dije se 27-vjeçari Albert Krasniqi, u kap në muajin shtator me rreth 425.000 paund me vete. Policia britanike bazuar te hetimet, beson se makina e Krasniqit është përdorur sisa herë për të kaluar lëndë narkotike dhe lekët që do përdoreshin për të blerjen e saj përmes kufijve ndërkombëtarë.
Shqiptarët e dënuar
Artur Sufaj 36 vjeç, 10 vjet e 8 muaj burg
Olsin Llanga 28 vjeç, 10 vjet e 8 muaj burg
Enrik Mullahi 27 vjeç, 8 vjet burg
Taulant Bushi 37 vjeç, 6 vjet burg
Aurel Hoxha 27 vjeç, 6 vjet burg
Albert Krasniqi 27 vjeç, 6 vjet burg
Blendi Këlliçi 26 vjeç. 6 vjet burg
Bledar Vranari 37 vjeç, vendimi javës tjetër
