Federata Botërore e Peshngritjes ka ndëshkuar Daniel Godellin, Romela Begajn dhe Hysen Pulaku të cilët rezultuan pozitivë në analizat antidoping të kryera pas botërorit të Kazakistanit. Tre sportistët shqiptarë janë gjetur fajtorë nga Paneli dëgjimor në VADA për substancat e ndaluara që kanë përdorur në kampionatin e fundit Botëror. Për këtë arsye, Godelli dhe Begaj janë ndëshkuar me nga 2 vite, ndërsa Pulaku me 8 vite për shkak se është një veprim i përsëritur.
Daniel Godelli ka deklaruar pas këij vendimi, se problemet janë krijuar gjatë stërvitjes që ka zhvilluar në Greqi.
Daniel Godelli duke akuzuar drejtpërdrejt Luan Shabanin për substancat e ndaluara që iu gjetën në gjak nga analizat VADA.
Peshëngritësi në mesazhin e tij në “facebook” shprehet se ishte e pamundur të mendoje se mes tyre kishe thënë një tradhtar, që sipas tij e ka tradhtuar Shqipërinë për herë të dytë për të eliminuar Shqipërinë nga Olimpiada për të favorizuar Greqinë.
Madje Godelli thekson se pas ngjarjeve të fundit, Shabani nuk ngre as telefonin për të dhënë shpjegime.
Luan Shabani ishte personi që stërviti shqiptarët në Greqi dhe qe më pas si Godelli, Begaj dhe Pulaku rezultuan pozitiv.Deklarata e Godellit vjen në momentin që paneli dëgjimor e shpalli fajtor, ndërsa përgjigja e Federatës Ndërkombëtare të Peshëngritjes, pritet të vijnë në ditët në vazhdim zyrtare.
Ky vendim përveçse largon nga pedana peshëngritësit më të mirë shqiptarë na heq edhe medaljet dhe titujt botërorë e na ul shanset për medalje në Lojërat Olimpike Rio 2016.
Erkand Qerimaj mbetet i vetmi që synon të marrë pjesë në olimpiadën e vitit të ardhshëm dhe të japë rezultat.
Skandalet e dopingut kanë qenë të përsëritura vitet e fundit duke njollosur sportin më të sukseshëm në Shqipëri.
Dënimet
Daniel Godelli, 2 vjet pezullim
Romela Begaj, 2 vjet pezullim
Hysen Pulaku, 8 vjet pezullim
