Dosja e Mark Frrokut do të mbërrrijë në Shqiperi në rrugë diplomatike

Dosja e Mark Frrokut do të dërgohet nga autoritetet belge në Shqiperi, në kanale diplomatike
Kjo rrugë është zgjedhur pasi garanton që materialet hetimore për vrasjen e ndodhur në Belgjikë, të mbërrijne më shpejt në Tiranë. Ka qenë Prokuroria e Përgjithshme e cila kërkoi transferimin e dosjes dhe përgjigja e belgëve ka qenë pozitive.
Burimet thanë se dosja e deputetit Frroku pritet të niset drejt Shqipërisë, nëpërmjet ministrisë së drejtësisë belge. Dosja do të mberrije në rrugë diplomatike pranë ministrisë së drejtësisë shqiptare ku do të perkthehet dhe më pas të dorëzohet pranë organit të akuzës për të vazhduar procedimin penal.
Në të njëjtën dosje përfshihet edhe procedimi penal për Hilë Joken i njohur ndryshe si Arjan Bytyçi. Autoritet belge, mësohet se janë njoftuar për arrestimin e deputetit Frroku, ndërsa për bashkëpunëtorin e tij Joka, prokuroria thotë se ka lëshuar nje urdhër arresti.
Për të dy në Belgjike ekziston një dënim për 10 vite burg për vrasjen e Aleksandër Kurtit, por Mark Frroku dhe Hilë Joka e apeluan dënimin. Pasi dosja e tyre u kthye për rigjykim në shkallën e parë të Gjykatës së Krimeve të Rënda në Bruksel dhe pas kësaj u lëshuan urdhër arrestet që në dhjetor të vitit 2014. Kjo dosje ishte parashikuar të niste shqyrtimin gjyqësor në shkurt të këtij viti, por me kërkesë të avokatit të deputetit Frroku mësohet se shqyrtimi është shtyrë për në tetor të këtij viti. 

/DRONI.al/