As muaji mars nuk ka arritur të përmirësojë bilancin e tatimeve dhe doganave. Të dhënat paraprake të Ministrisë së Financave, të papublikuara ende zyrtarisht tregojnë se të ardhurat nga tatimet dhe doganat janë 2 për qind më pak se tremujroi i parë i vitit të kaluar. Vlera e të ardhurave llogaritet në 56 miliardë lekë.
Ekspertët e ekonomisë shohin me shqetësim uljen e të ardhurave nga tatimi mbi vlerën e shtuar, një taksë lehtësisht e mbledhshme. Të ardhurat nga TVSH-ja ranë 9 për qind krahasuar me një vit më parë, një tregues i drejtpërdrejtë i uljës së konsumit në vend.
Vlerësimet ende jo zyrtare të Ministrisë së Financave, tregojnë se edhe taksat kombëtare ranë 20 për qind në vlerë krahasuar me një vit më parë. Pavarësisht rritje së taksës së qarkullimit, qeveria nuk arrit të sigurojë më shumë të ardhura. Ndonëse në këtë grup taksash, renta minerare shënoi uljen më të madhe, për shkak të uljes së prodhimit të naftës në vend, dhe çmimeve të ulëta të metaleve.
Tatim fitimi ështe ndër të paktat taksa që shënoi rritje të të ardhurave. 8.6 miliardë lekë të sigurara nga tatim fitimi, përkojnë me 38për qind më shumë se një vit më parë.
Por keto nuk i ndihmuan tatimet, dalin me bilanc pozitiv.
Ndonëse në total, të ardhurat fiskale, vlerësohet paraprakisht të jenë rritur 3.6 për qind për periudhën janar-mars 2015.
Burime jozyrtare thonë se për këtë rritje kanë kontribuar fondet speciale, më saktë të ardhurat institucionet buxhetore.
Ndërkohë, tashmë kur qeveria nuk arrin të sigurojë më shumë të ardhura nga sektori privat, institucionet publike lokale, janë vënë para presionit për të paguar detyrimet.
Të ardhurat nga tatimet e doganat 2 për qind më pak, nga TVSH-ja 9 për qind më pak, krahasuar me një vit më parë
