Komuna e Prishtinës i ka dhënë truall Ambasadës së Shqipërisë në Kosovë. Në rendin e ditës ishte votimi i “Propozimvendimit për dhënien në shfrytëzim të pronës së paluajtshme të Komunës, Ambasadës së Republikës së Shqipërisë”.
“Janë analizuar disa prona komunale në Komunën tonë dhe është përzgjedhur lokacioni në lagjen “Sofali”, zona kadastrale Prishtinë, parcela me numër 2576 – 0. Propozohet që kjo parcelë, prej 2.000 m2, t’i jepet në shfrytëzim Ambasadës së Shqipërisë për ndërtimin e objektit të ambasadës”, tha me këtë rast drejtori i Drejtorisë së Pronës dhe Financave, Visar Berisha.
Ky propozimvendim u votua unanimisht nga këshilltarët Komunal të Komunës së Prishtinës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
