Polica e Tiranës ka shoqëruar 5 persona të dyshuar se kanë lidhje me grabitjen e 1 milionë lekëve (të reja) dje në rrugën dytësore, përgjatë autostradës Tiranë – Durrës. Sipas policisë, makina e autorëve të krimit, që u gjet e djegur, një “Benz” me targa AA 826 KK është vjedhur në Kavajë në 19 prill të këtij viti. Njeri nga personat e shoqëruar në polici sipas burimeve, dyshohet se ka ndihmuar autorët e grabitjes së parave për tu larguar nga vendi i ngjarjes. Hetuesit e çështjes kanë dyshime të forta se personat e shoqëruar kanë lidhje me grabitësit e parave.
Ngjarja ndodhi një ditë më parë, rreth orës 10:00, në Fushë-Mëzez, në rrugën dytësore Tiranë-Vorë. Persona të pa identifikuar, me mjetin tip “Benz”, me targë AA 826 KK, të armatosur me armë zjarri, vodhën me dhunë, një sasi lekësh, në mjetin në pronësi të shoqërisë SHRSF”OKTAPUS”, me targë AA 836 JH (mjet jo i blinduar), që transportonte valutë nga dyqanet e një kompanie private me drejtues mjeti punonjësin e kësaj shoqërie shtetasin N. P., 41 vjeç, banues Tiranë. Autorët pas grabitjes, në afërsi të urës së Limuthit Kashar, braktisën dhe dogjën plotësisht mjetin e përdorur për ngjarjen, i cili rezulton në pronësi të firmës “Kazazi-Meat” sh. p. k., vjedhur në datë 19. 04. 2015, në Kavajë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
