Sipas statistikave kombëtare, më 1 janar ka qenë 31.000 më pak femra se sa meshkuj në Shqipërinë me një popullsi prej 2.8 milionë banorë
Në Ballkan sipas një raportimi të agjencisë së lajmeve AFP, familjet thuajse nuk mund ta pranojnë faktin që të mos lindin djem por vetëm vajza.
Abortet selektive janë praktikë e zakonshme në Shqipëri dhe në vende të tjera të Ballkanit, që kanë shkaktuar një çekuilibër në lindjet në mes të djemve dhe vajzave, pasi më shumë preferohen djemtë.
“Zgjedhja gjinisë për fëmijët nga ana e prindërve vazhdon të jetë një praktikë e vazhdueshme në Shqipëri, edhe pse legjislacioni në mënyrë specifike ndalon atë”, ka thënë Rubena Moisiu, udhëheqëse e në spitalin obstetrikë në Tiranë.
Kjo gradualisht çon në një maskilizëm demografik të shoqërisë, tashmë të dukshme në mesin e fëmijëve të vegjël.
Në vende të tilla si Shqipëria, Kosova, Mali i Zi dhe në Maqedoninë perëndimore raportet në mes të meshkujve dhe femrave në lindje, janë 110 meshkuj me 100 femra, thotë Christophe Guilmoto nga Instituti i Kërkimeve Franceze për Zhvillim, e specializuar në pabarazitë gjinore.
Mesatarja më e lartë mes lindjeve është 105 djem dhe 100 vajza. Dhe raporti 110 me 100 gjatë viteve dëshmon për mungesë ekuilibri.
Sipas zyrës së statistikave kombëtare, më 1 janar ka qenë 31.000 më pak femra se sa meshkuj në Shqipërinë me një popullsi prej 2.8 milionë banorë.
Shqipëria është ndër vendet e pakta evropiane ku ka më shumë meshkujt se sa femra, dhe kjo pavarësisht një emigrimi shumë të fortë, i cili ka ndodhur gjatë dy dekadave të fundit, kryesisht nga meshkujt.
