Ndërsa po zhvillonte një takim për turizmin në Tiranë, kandidati demokrat për Bashkinë, Halim Kosova është takuar me një grup vizitorësh nga Çekia. Duke shfrytëzuar rastin Kosova u bëri shpejt një guidë të Tiranës, si banor i vjetër i saj, dhe në fund u dhuroi një guidë mbi atraksionin turistik dhe vlerat e trashëgimisë.
Halim Kosova, është fokusuar këtë të diel në cështjen e turizmit duke biseduar me njohës të kësaj fushe , ekspertë dhe operatorë turistikë. Ai tha se turizmi duhet të jetë një nga burimet kryesore të të ardhurave për qytetin, ashtu sikurse dhe burimet kryesore të vendeve të reja të punës. Halimi ka theksuar se duhet bërë më shumë në këtë fushë, duke përmendur vendosjen e linjave të dedikuara për vendet turistike të Tiranës , si dhe pajisjen me informacionet e duhura mbi destinacionet më atraktive të trashëgimisë kulturore.
“Informacioni për turizmin nuk është i rëndësishëm vetëm për turistët, por dhe për ne që jemi këtu. Edhe ne duhet të dimë se çfarë kemi përreth, sa kala, sa shpella kemi, sa vende të bukura piktoreske ku mund të shkojmë. Do të mirëprisja çdo lloj gjëje, sepse sa më shumë ide të ketë, aq më e plotësuar del edhe strategjia e qytetit të Tiranës për të vizituar veprat e rëndësishme që ka kryeqyteti, por dhe për të përcaktuar guida dhe pika informacioni në të gjitha anët e qytetit, ku kushdo të mësojë se cilat janë qendrat që s’duhen lënë pa parë, e cilat janë vlerat tradicionale”, u shpreh Kosova.
Halim Kosova, punë e para nga turizmi. Sot guidë për turistët cekë
