Ambasadori maqedonas që aludohet se ka lënë shtatzënë një diplomate të përkatësisë etnike shqiptare njihet me nofkën “Kazanova”. Ai ishte i njohur edhe në Ministrinë e Jashtme dhe se detaje për aktivitetin e tij dhe manipulimet e shantazhet e ndryshme i kanë shpjeguar diplomatë karriere në MPJ, të cilët në mënyrë anonime i ka shpërndarë një letër disa mediave, transmeton INA.
“Ju përshëndesim për zbardhjen e skandalit lidhur me kuazi-ambasadorin e njohur si Kazanova, i cili ka keqpërdorur diplomatet e reja që janë me status të ulët të punësuara në ambasada dhe Ministrinë e Jashtme. E vërteta tjetër është se ai fillimisht u angazhua në diplomacinë ekonomike dhe me ardhjen e ministrit të fundit në MPJ, ai mori rolin e personit për përzgjedhjen dhe sistematizimin e kuadrit diplomatik, duke nënçmuar dhe shantazhuar diplomatet e reja dhe koleget”, theksojnë diplomatët e vjetër.
Sipas tyre, afera e fundit me kolegen e re nuk është e fundit dhe se një rast i ngjashëm kishte ndodhur në vitin 2008, kur një kolege tjetër e shantazhuar kishte abortuar dhe se bashkëshorti i saj disa herë kishte ardhur në MPJ dhe i ishte kërcënuar “Kazanovës”. Ai më në fund thuhet se kishte shkuar konsull me një shtet të huaj dhe se stafi i MPJ-së kishte organizuar festë për shkak të largimit të tij.
“Lidhur me marrëdhëniet e tij të tjera me kolege të tjera, do të japin detaje në ndonjë rast tjetër”, shkruajnë diplomatët në MPJ përmes letrës së publikuar, por që ata nuk guxojnë të zbardhin emrat e tyre dhe të protagonistëve të rrëfimeve.
Ambasadori maqedonas, “Kazanova” që la shtatëzënë diplomaten shqiptare
