Luzim Basha ka përshëndetur fitoren e zgjedhjeve nga konservatori David Cameron në Britaninë e Madhe.
“Urimet e mia më të përzemërta për David Cameron dhe partisë simotër Konservatore për fitoren e thellë të zgjedhjeve parlamentare. Konservatorët arritën të marrin një shumicë të qartë me një rezultat bindës me 326 mandate, pas një fushate brilante, dhe pas një kursi të drejtë politik bazuar në vlerat e parimet e të djathtës, të lirisë ekonomike e të taksave të ulëta. Një fitore e merituar pas një qeverisje që solli uljen e taksës së punës për 27 milionë anglezë, uljen e taksës së bizneseve, çka garantoi një rritje ekonomike prej 8 për qind ndërkohë që Europa pësonte rënie, dhe mundësoi 1 milionë vende të reja pune. Inkurajues rezultati i të djathtës angleze, frymëzuese kjo politikë, dhe ky reagim i drejtë i britanikëve. Edhe një here, pas Francës, vjen një sinjal i fortë se e djathta dhe politikat e saj të lirisë ekonomike dhe të taksave te ulëta, janë rruga e daljes nga kriza, e punës, e dinjitetit dhe e mirëqenies për çdo shoqëri”, shprehet Basha në “Facebook”.
Basha uron fitoren e Cameron: Pas Francës, sinjal i fortë nga Britania – e djathta është rruga e daljes
