Kandidati për kryebashkiak, Halim Kosova u takuat me banorët e Baldushkut dhe bisedoi me ta mundësitë për financim projektesh dhe krjimin e kushteve për të shitur prodhimin në Tiranë, me kosto të ulura
Kandidati për kryetar Bashkie në Tiranë, Halim Kosova dëgjoi nga afër banorët e Baldushkut, për shqetësimet që kanë dhe bisedoi me ta për projekte që do të ndihmojnë në rritjen e prodhimit dhe në krijimin e mundësive për të shitur mallin e tyre. I pranishëm ishte dhe kreu i Partisë Socialiste të Baldushkut, i cili shprehu mbështetjen për kandidaturën e Kosovës.
“Unë jam i Partisë Socialiste , 15 vjet kryetar i Partisë Socialiste këtu në Baldushk. Unë kam pas gruan në një periudhë me një fjalë të monizmit që… ti ke punuar shumë mirë dhe kjo punë mua më ka vlejtur shumë. Dhe unë jam shumë mirënjohës dhe vota ime është për ty”.
Halim Kosova tha se ai nuk bën dallime partiake.
“Kurrë, kurrë, kurrë, në 35 vjet mjek nuk kam pyetur ndonjëherë para se të jap ndihmën, ore nga vjen ti, çfarë partie je ti, që po qe se je tek ajo partia që unë mendoj do të ndihmoj. Absolutisht, kurrë”, tha Kosova.
Banorët e Baldukusht ngritën shqetësimin për ndërprerjen në dy vitet e fundit të subvencioneve për bujqësinë.
Kreu i PS në Baldushk: Vota ime për Halim Kosovën
