Kryetari i Ballit Kombëtar, Adriatik Alimadhi me anë të një letre të hapur për kryetarin e PD-së Lulzim Basha ka shprehur sot pakënaqësinë e partisë së tij për ndarjen vendeve për këshilltarë në të gjithë vendin. “Ju vendosni që Balli Kombëtar të prodhojë nga rezultati zgjedhor pesë a gjashtë këshilltarë, ndër 1600 të tillë në të gjithë vendin?! Kryetarin e Ballit e rendisni të njëzetekatërtin në listën e opozitës për Këshillin e Bashkisë Tiranë?! E keni seriozisht zoti Basha?! Si mund të trajtoni në këtë mënyrë një parti aleate? Si mund të mos merrni parasysh për asnjë çast kontributet reale të Ballit Kombëtar në të gjitha arritjet e Partisë Demokratike? Si mund të injoroni rolin e përfaqësuesve të Ballit Kombëtar? A duhet të dyshojmë se ju po tentoni tkurrjen apo më keq akoma asgjësimin politik të Ballit Kombëtar?”, thuhet ndër të tjera në letrën e Alimadhit, publikuar sot pasdite.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
