Irani ka filluar të shpreh interes për shitjen e gazit në Evropë. Por ideja, e cila do të reduktojë më tej varësinë varësinë e Europës nga gazi rus, është e kushtëzuar nga rezultati i bisedimeve bërthamore. Bisedimet deri tani janë konsideruar produktive. Kjo mund të sjellë një tjetër mundësi edhe për Shqipërinë pasi rritet sasia e gazit që transportohet në vend duke rritur edhe përfitimet prej TAP.
“Transferimi i gazit natyror nga Irani në Evropë mund të jetë një burim alternativ të furnizimit dhe mund të ndihmojë Evropën për të diversifikuar burimet e saj të energjisë”, tha Kazem Jalali, një deputet i rëndësishëm iranian i cili vizitoi Brukselin këto ditë.
“Një marrëveshje përfundimtare mes Iranit dhe 5 + 1, me vullnetin e Zotit, do të hapë një dritare shumë të gjerë të mundësive për bashkëpunim. Irani është një treg i mirë nga mund të përfitojnë kompanitë europiane “. Në të kaluarën, Irani ka pasur marrëdhënie të mira me vendet e Evropës.
Ideja nuk është e re. Kur BE-ja dhe Turqia, në vitin 2009, nënshkruan një marrëveshje për të ndërtuar “Nabucco”, një tubacion për furnizimin me gaz nga Deti Kaspik, Kryeministri i atëhershëm turk, Erdogan tha: “Ne duam të të përfshihet edhe gazi iranian… kur lejojnë kushtet”. Ambasadori amerikan në Turqi gjithashtu tha se Irani mund të përfshihet “kur të vijë koha e duhur”.
Nabucco nuk është anuluar si projekt dhe në vend të tij gazsjellësi Trans Adriatik, ka nisur të ndërtohet dhe do të furnizojë Europën me gaz nga Azerbajxhani, përmes Turqisë, Greqisë, Shqipëisë për në Itali.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
