Njëri nga të arrestuarit që ka luftuar kundër policisë në Kumanovë, ka arritur të arratiset duke iu shpëtuar nga duart policisë maqedonase. Kjo ka ndodhur dy ose tre ditë pas përleshjes në Kumanovë. Personi i arratisur i iku policisë në afërsi të fshatit Brezë. Ai ishte nxjerrë në terren për t’i treguar hetuesve se ku janë fshehur armët e vjedhur gjatë sulmit ndaj stacionit policor në Gushincë kohë më parë.
“Numri i madh i personave të arrestuar, bashkëpunonin…. pra i ofronin policisë dëshmi pas arrestimit në lidhje me armatimin e vjedhur nga Gushinca. Është e vërtetë se njëri nga personat e arrestuar ka arritur t’ia mbathë. Po hetohen të gjitha rrethanat e rastit”, njofton Ministria e Brendshme maqedonase.
Policia nuk tregon identitetin e personit të arratisur, në internet tashmë ekziston edhe një audio regjistrim, në të cilin pretendohet se flet i arratisuri Sulejman Osmani nga Breza. Ai ia dha deklaratën Xhezair Shaqirit-Komandant Hoxhës, në territorin e Kosovës. Personi i prezantuar si Osmani, në fillim tregon si është rrahur në stacion, kështu që nuk ka pasur zgjidhje tjetër përveç se të tregojë vendin e armatimit.
Sipas të dhënave jo zyrtare të Alsat M, Osmani ka qenë në grupin e parë i cili i është dorëzuar policisë në Kumanovë. Sipas disa burimeve, ka qenë edhe i pari që ka dalë i dorëzuar para pjesëtarëve të MPB-së.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
