Zyrtarë të lartë të Kosovës si dhe grupe të ndryshme politikë janë kundër varrimit të Isa Boletinit në Vlorë. Ish-Presidenti i Kosovës, Fatmir Sejdiu, kryetrai i AAK, Ramush haradinaj, kryetari i komunës së Podujevës, Agim Veliu, dega e LDJK për Mitrovicën etj, kanë kërkuar nga qeveria e Kosovës të heqin dorë prej vendimit të tyre që Isa Boletini të vendoset përfundimisht tek Sheshi i Flamurit. “Ne e konsiderojmë si një vendim të padrejtë ndaj gjithë bashkëvendësve të tij e sidomos ndaj vetë personalitetit të heroit kombëtar Isa Boletini që eshtrat e tij të mos varrosen në vendlindjen e tij” shprehen në një deklaratë qytetarët e Mitrovicës.
Ndërkohë Edi Rama deklaroi sot në një takim me familjarët e Isa Boletinit në prani edhe të zëvëndëskryeministrit të Kosovës Hashim Thaci se “Propozimi është mirëpritur nga familja dhe qeveria e Kosovës. Jam shumë mirënjohës zëvendëskryeministrit për ndërmjetësimin e këtij propozimi për familjarët dhe u jam shumë mirënjohës familjarëve për mirëkuptimin. Ky propozim u ka dhënë siç vetë e pohuan, një lumturi të veçantë. Data e caktuar për të përcjellë eshtrat e heroit tonë është data 10 qershor dhe rrugëtimi do të kryhet nëpërmjet të gjitha trojeve të Kosovës dhe Shqipërisë deri kur gjithë ceremonia të përmbyllet në sheshin e “Pavarësisë” dhe Isa Boletini të prehet pranë vëllait, mikut dhe bashkëluftëtarit të tij Ismail Qemali”, tha Rama.
Vendimi për varrimin e eshtrave të heroit Isa Boletini ka kaluar nëpër një kalvar të gjatë. Të paktën janë katër data të ndryshme për rivarrimin të cilat kanë ndryhsuar ose janë shtyrë për të arritur tek data e lajmëruar sot nga kryeministri Edi Rama.
Për herë të parë u caktua data 28 nëntor 2014.
Për herë të dytë u vendos që eshtrat të rivarroseshin me 16 janar 2015.
Rivarrimi i heroit Isa Boletini, gjysma kundër prehjes së tij në Vlorë
