Kim Mehmeti: Janë të pafytyrë!

Kim Mehmeti sërish i është sulur klasës politike shqiptare në Maqedoni duke i konsideruar ata si banditë dhe kriminelë partiakë. Bashkë me mesazhin ai ka postuar edhe një foto mjaft domëthënëse. Asnjëherë më parë gjuha e personave publikë nuk ka qënë kaq e ashpër sa kësaj here në drejtim të zyrtarëve më të lartë të politikës shqiptare në Shkup e Tetovë.

Postimi i Mehmetit në Fb: “Kurrë nuk kam mundur t’i kuptoj politikanët tanë të pafytyrë që lëvdohen se i do dhe i voton populli, e në ndërkohë frikohen të kontaktojnë me zgjedhësit e vet dhe, mbrohen nga populli i tyre duartharë e i varfër me truproje dhe vetura të blinduara, që kushtojnë me qindra mijëra euro! Për mua do ishte e logjikshme e kundërta: që ky popull të organizonte vetëmbrojtje nga këta banditë e kriminel partiak të BDI-së e PDSH-së, të cilët kopshtin e parajsës së pasardhësve të vet, e ujisin me lotët e fëmijëve tanë!”