Ministrja Nikolla: Shkollat e “Gylen” të sigurta, nuk do të mbyllen, respektojnë laicitetin

Ministrja e Arsimit dhe Sporteve, Lindita Nikolla i është përgjigjur sot interesimit të mediave, pas deklaratave të Presidentit turk, Rexhep Taip Erdogan në Tiranë, se duhen mbyllur shkollat që sipas tij financohen nga “Lëvizja Gylen”, një lëvizje e cilësuar terroriste në Turqi, nga Erdogan.
Ministria Nikolla u shpreh se MAS ka për detyrë të verifikojë kriteret e ligjshmërisë dhe kurrikulat dhe për këtë ka kryer kontrolle, duke mbyllur 13 universitete që nuk i plotësuan këto kritere.
Ministrja ka lënë të nënkuptohet se në shkollat që nuk plotësonin kriteret e ligjshmërisë dhe kurrikulat nuk bënin pjesë shkollat “Gylen” dhe rrjedhimisht nuk kanë pse mbyllen.
Ministra shtoi ndër të tjera se janë verifikuar edhe kriteret e laicitetit në shkolla.

A do t’i mbyllni shkollat që investohen dhe që sponsorizohen nga organizata ‘Gylen’, të cilën presidenti Erdogan e konsideroi si organizatë terroriste dhe i kërkoi palë shqiptare që të mbyllen në Shqipëri shkolla të tilla?
Ministria e Arsimit ka në kompetencë që të verifikojë gjithë kriteret e ligjshmërisë, padyshim laicitetin, shkolla të sigurta dhe ne jemi të vendosur dhe kemi treguar me përgjegjësi që këtë e bëjmë në mënyrën më korrekte dhe më të mirë të mundshme.

Çfarë komenti keni?
Besoj kemi raportuar publikuar për shkollat që nuk respektonin kriteret e ligjit dhe rezultuan 18 institucione të arsimit të lartë që funksiononin si piramida dhe që mbyllen, të tjerat janë në funksion.

/DRONI.al/