OSBE-ODIHR ka hapur misionin e vëzhgimit për zgjedhjet lokale të 21 qershorit. Në konferencën prezantuese zonja Glover tha se ky mision do vëzhgojë zbatimin e legjislacionit përfaqësimin e kandidateve femra, prezantimin në fushatë por edhe presionet ndaj zgjedhësve për blerje vote.
“Ne sapo kemi arritur në Shqipëri ende nuk kemi detaje për shumë gjëra po shikojmë faktet. Kur të vijnë vëzhguesit afatgjatë ata do shpërndahen anë e mbanë Shqipërisë, do merren me të gjitha çështjet. Unë përmenda në fjalën time fushat ku do përqendrohemi që janë: zbatimi i legjislacionit, përfaqësimi i kandidateve ferma, prezantimi në fushatë, presionet ndaj zgjedhjeve për blerjen e votës si dhe pasqyrimi i fushatës në media”, tha ajo.
Kryetarja e këtij misioni, Audrey Glover theksoi se ekipi vëzhgues në Tiranë do të përbëhet nga 13 anëtarë.
Më tej ajo shtoi se 18 vëzhgues afatgjatë do të vinë ditën e hënë në kryeqytet, ndërsa ata afatshkurta më 17 qershor. Teksa theksoi se këto janë zgjedhjet e 12-ta që misioni i OSBE-ODIHR mbikëqyr, Glover tha se nuk është paracaktuar asnjë axhendë.
“Të hënën do të vijnë edhe 18 vëzhgues afatgjatë. Ne kemi ardhur në Shqipëri pa axhendë të paracaktuar. këto janë zgjedhjet e 12 që ne vëzhgojmë në Shqipëri”, tha Glover.
Glover sqaroi se, “duhet të jenë 24 vëzhgues afatgjatë dhe 250 afatshkurtër. Ditën e hënë arrijnë 18 vëzgues afatgjatë, nuk e dimë numrin e vëzhguesve afatshkurtër kjo për arsye se shtetet pjesëmarrjes kanë edhe dy janë kohë për të sjellë listën e vëzhguesve”.
Glover deklaroi ndër të tjera se zgjedhësit shqiptarë duhet të kenë besim në integritetin zgjedhor.
“Kur vijmë për zgjedhje, bëjmë vlerësim për të gjithë procesin në përputhje me angazhimet e OSBE standardet ndërkombëtare dhe legjislacionin vendas”, shtoi ajo.
Glover zbarkon me ushtrinë e vëzhguesve, do merren me të gjitha çështjet para dhe pas zgjedhore
