Kryeministri Rama ka shpërndarë nëpërmjet Fb 11 fituesit e konkursit “Edhe unë kam një ëndërr 2015″. Kanë qenë 252 aplikues të moshës mbi 30 vjet që patën kurajon dhe besimin të sjellin një projekt konkret në këtë program.
Më poshtë 11 fituesit dhe idetë e tyre:
1. Mimi Memiaj nga Tirana për idenë e krijimit të një shtëpie të kultivimit të arteve artizanale ku krijues artistë me eksperiencë do të punojnë së bashku me të rinjtë për të zhvilluar një treg artistësh të suvenireve bashkëkohore që pasqyrojnë traditën në tregjet brenda dhe jashtë vendit.
2. Milvan Peçi nga Gjirokastra për të kryer identifikimin molekular të varieteteve autoktonë shqiptar të ullirit.
3. Pezana Rexha nga Tirana për zgjerimin e biznesit social “Design by Pana” i cili punëson personat nga grupet me nevoja të veçanta për të prodhuar mobilje dhe aksesorë
4. Erjoni, emigrant në Itali i cili dëshiron të sjellë eksperiencën e tij të bukur nga vendi fqinj duke organizuar në shqipëri festivalin e ushqimeve të shpejta shqiptare.
5. Helidon Nauni nga Tirana, me idenë e krijimit të një muzeu shkencor, mësimor e argëtues për fëmijë ku përmes shembujve praktikë, fëmijët do të mësojnë se si ligjet e matematikës, fizikës, kimisë e shkencave të tjera veprojnë kudo në jetën tonë.
6. Emanuel Zaimi do të marrë mbështetje të pjesshme për Fondacionin Doën Syndrom Albania me qëllim krijimin një biznes social të paketimit e shtijes së luleve.
7. Genti Selenica nga Tirana, për idenë e tij të promovimit të produkteve tipike shqiptare nëpërmjet një platforme informatike inovative të integruar me aplikacion mobile (iOs/ Android) dhe rrjete sociale (Facebook, Tëitter, Google my Business).
8. Brunilda Topçiu nga Kruja për ndërtimin e një ferme të vogël në një tokë të lënë djerrë, me prodhime biologjike me ullishte, vresht, bimë medicinale dhe 50 koshere për rritjen e bletëve.
9. Ledian Shehu nga Berati, i sapokthyer nga Anglia me ëndrrën për të kontribuar në ndërtimin e një sistemi digjital të guidës zanore për turistët që vizitojnë Beratin.
10. Klodita Karabina nga Picari, për ngritjen e një ferme të vogël me 6 lopë për të siguruar vetëpunësimin dhe mbështetjen e studimeve të vajzës së saj.
11. Mico Kasapi nga Gjirokastra, mjeshtër i cirkut, i cili do të mbështetet për idenë e krijimit të një grupi të ri me fëmijë për t’i stërvitur, trajnuar dhe zbuluar talentet e reja.
