Tani që është vendosur që libraria e presidentit Barack Obama do të vendoset në Çikago, ekzistojnë edhe ca gjëra që duhet bërë sa iu përket angazhimeve të çiftit të parë amerikan pasi Obamës t’i përfundojë mandati presidencial, shkruan Associated Press (AP).
AP thotë se çështja kryesore është vendimi se ku do të jetoj familja Obama pasi ta lëshojë Shtëpinë e Bardhë.
Ata ende e kanë në pronësi një shtëpi në Çikago, ndërsa familja Obama kalon çdo Krishtlindje në Hauai, ndonëse ky vend nuk pritet të jetë vendbanimi i tyre i ri.
Presidenti dhe zonja e parë, Michelle Obama mesiguri se do të jenë të interesuar që të vazhdojnë aktivitetet publike, ndërsa shtëpitë botuese do të jenë të gatshme të paguajnë miliona për librat e tyre të kujtimeve.
Obama ka treguar se ka për qëllim që t’iu rikthehet ligjeratave dhe punës në komunitet, diçka që ai e ka bërë para se të angazhohej në politikë.
Michelle Obama planifikon që të mbetët e angazhuar në përpjekjet e saj për të reduktuar mbipeshën te fëmijët, të ndihmojë veteranët, të inkurajojë studentët që të përfundojnë kolegjin apo shkollat teknike dhe të angazhohet për arsimimin e vajzave.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
