Deputeti i PR, Agron Duka gjatë një takimi elektoral në Rrashbull, në Durrës të Grida Dumës tha se Vangjush Dako është bllokuar vetëm tek një rreth i ngushtë personash.
“Kundërshtari i vetë politik i ka dhënë provat që është lidhur me një grup njerëzish dhe i gjithë qyteti i Durrësit e sheh Vangjushin të bllokuar me rrethin e vetë shoqëror, që s’’janë nuk janë as socialist dhe as demokratë por janë dakistë. Kështu që të shtrengohemi të gjithë kështu siç jemi dhe të japim votën për të mirën e kalamanjve tanë dhe të fitojmë”, tha Duka.
Kandidatja për bashkinë e Durrësit, Grida Duma takoi banorët e Rashbullit dhe tha se hapja e vendeve të punës do të jetë prioriteti i saj për të zgjidhur mjaft probleme sociale në gjithë bashkinë e re të Durrësit.
“Punësimi është problem në të gjithë rajonin dhe pllajën e Durrësit. Në fakt është gangrena dhe thembra e Akilit për zgjidhjen e shumë probleme. Motivimi i punësimit do jetë numër një. Do të gjejmë të gjitha mënyrat, në bashkëpunim me biznesin”, tha Duma.
Banorët e zonës u ankuan për rrugën dhe për mungesën e transportit. Kandidatja e djathtë u shpreh se ajo nuk do të lejojë që banorët e këtyre zonave të ndihen në izoluar ndërsa vuri theksin në një sistem transporti efikas për lidhjen e rrethinave me qytetin, me stacione të shpeshta dhe orare më të favorshme.
“Fshati është shumë i bukur. Natyrën e keni bërë më të bukur me duart tuaja. Në diskutimin me zonjat thamë që këtu nuk do mendojmë për përmbytjet se nuk përmbytet njeri. Rruga duhet bërë. Po më thonë se edhe transport publik me autobuz nuk ka dhe duhet të zbrisni deri tek Plepat. Është emergjencë çështja e transportit publik”, u shpreh Duma.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
