“…Ajo fotografia e Zaevit me flamurin shqiptar mu duk tamam si ato fotografitë e tifozave serb kur marrin dhe e djegin flamurin tonë. Por ata janë tifozë dhe për tifozët flet psikologjia e turmave, kjo e Zaevit është shumë më e rëndë, është manipulim politik. Më ngjalli shumë indinjatë, u ndjeva i provokuar. Jo se është maqedon, sepse ka sa të duash maqedonas të cilët nuk digjen për ne ashtu siç nuk digjemi ne për ata, por të paktën nuk të ngacmojnë, shikojnë punën e tyre. Ndërsa ky? Po ky është pasardhës i baballarëve të krimeve ndaj shqiptarëve, ky nuk guxon ta prekë flamurin tone, jo t’a prekë, po as t’a shikojë, se na duket sikur po na kurdis diçka. E falenderojmë që dëshiron të na bëjë për vete, por ne nuk kemi nevojë për atë. Ne duam mbrojtje dhe siguri nga përfaqësuesit tanë, jo nga ai”. (Agron Vrangalla, student nga Tetova)
