Ministri i Brendshëm Saimir Tahiri e ka vënë sot theksin tek lufta ndaj terrorizmit, e cila pritet të jetë tema e takimit të nesërm rajonal, që do të mbahet në Tiranë.
Duke folur pikërisht për terrorizmin dhe luftën e përbashkët që duhet të bëjnë vendet e rajonit, Tahiri komentoi edhe kërkesën e presidentit turk Rexhep Taip Erdogan për të nxjerrë jashtë vendit tonë një strukturë paralele terroriste, duke iu referuar në këtë mënyrë lëvizjes Gylen, që sipas tij vepron edhe në vendin tonë.
Tahiri deklaroi në konferencën për shtyp se kërkesa e Erdogan ka marrë përgjigje, ndërsa apeloi që lufta ndaj terrorizmit nuk duhet të politizohet për axhenda të ngushta kombëtare.
Është më shumë kërkesë politike që ka marrë përgjigjen e duhur nga instancat përkatëse, sesa kërkesë që ka të bëjë me sigurinë. Sa i takon përpjekjes sonë të përbashkët në luftën kundër terrorizmit, agjencitë ligj-zbatuese dhe partnerët tanë, të gjithë bashkë kemi zgjedhur mënyrën e hartimit të përbashkët të katalogut të riskut dhe risqeve në secilin vend, në rajon por dhe në nivel global. Ne i përgjigjemi sfidave në luftën kundër terrorizmit duke bashkëpunuar me partnerët, duke shmangur maksimalisht rrezikun që lufta kundër terrorizmit të politizohet për axhenda të ngushta kombëtare nga cilido qoftë”.
Ministri i Brendshëm Saimir Tahiri kometoi sot edhe raportin e Byrosë së Sigurisë Diplomatike pranë Departamentit të Shtetit Amerikan, (OSAC) duke thënë se në këtë raport janë njohur disa nga arritjet e vendit tonë, kryesisht në luftën kundër ekstremizmit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
