Prokuroria e Vlorës ka përfunduar hetimin dhe dërgon për gjykim kërkesën ndaj drejtuesve të bashkisë së Vlorës, shtetasve Shpëtim Gjika, Artur Haxhi, Doriana Behari (Sulaj) dhe Ridvan Mersinaj
Rreth 10 ditë më parë, Prokuroria e Rrethit Gjyqësor Vlorë i komunikoi, akuzën kryetarit të bashkisë Vlorë, Shpëtim Gjika, si edhe Drejtoreshës së Urbanistikës së këtij institucioni, shtetases Dorjana Sulaj, Artur Haxhi, drejtues të bashkisë së Vlorës, si edhe Ridvan Mersinaj, administrator i një shoqërie ndërtimi në Vlorë.
Sipas burimeve të prokurorisë së Vlorës, mësohet se Shpëtim Gjika akuzohet për kryerjen e veprës penale të “Falsifikimit të dokumenteve” të kryer nga personi që ka për detyrë të lëshojë dokumentin, të kryer shtatë herë dhe në bashkëpunim, “Shpërdorimit të detyrës”, “Ndërtimi i paligjshëm” të kryer në tokën e tjetrit dhe në tokën shtetërore, të kryer në bashkëpunim dhe “Veprime që pengojnë zbulimin e së vërtetës”, parashikuar si vepra penale nga nenet 186/3 e 25, 199a/2 e 25, 248 dhe 301 të Kodit Penal.
Akuzat sipas Prokurorisë
1. Shpëtim Gjika
AKUZUAR: Për kryerjen e veprës penale të “Falsifikimit të dokumenteve” të kryer nga personi që ka për detyrë të lëshojë dokumentin, të kryer shtatë herë dhe në bashkëpunim, “Shpërdorimit të detyrës”, “Ndërtimi i paligjshëm” të kryer në tokën e tjetrit dhe në tokën shtetërore, të kryer në bashkëpunim dhe “Veprime që pengojnë zbulimin e së vërtetës”, parashikuar si vepra penale nga nenet 186/3 e 25, 199a/2 e 25, 248 dhe 301 të Kodit Penal.
2. Artur Haxhi
AKUZUAR: Për kryerjen e veprës penale të “Falsifikimit të dokumenteve” të kryer në bashkëpunim dhe më shumë se një herë dhe “Ndërtimi i paligjshëm” në tokën e tjetrit dhe në tokën shtetërore, të kryer në bashkëpunim, parashikuar si vepra penale nga nenet 186/2 dhe 199a/2 e 25 të Kodit Penal.
3. Doriana Behari (Sulaj)
AKUZUAR: Për kryerjen e veprës penale të “Falsifikimit të dokumenteve” të kryer nga personi që ka për detyrë të lëshojë dokumentin, të kryer katër herë dhe në bashkëpunim, “Shpërdorimit të detyrës”, “Ndërtimi i paligjshëm” të kryer në tokën e tjetrit dhe në tokën shtetërore, të kryer në bashkëpunim, parashikuar si vepra penale nga nenet 186/3 e 25, 248 dhe 199a/2 e 25 të Kodit Penal.
4. Ridvan Mersinaj
AKUZUAR: Për kryerjen e veprës penale të “Falsifikimit të dokumenteve” dhe “Pastrimi i produkteve të veprës penale ose veprimtarisë kriminale”, parashikuar si vepra penale nga nenet 186 dhe 287 germa “d” të Kodit Penal.
