Gazetari Sokol Balla do të rikthehet pas rreth nw muaji të drejtojë Top Story në Top Channel.
Nesër ai do të ketë të ftuar në studio kandidatin e Partisë Socialiste për Bashkinë e Tiranës, Erjon Veliaj.
Gazetari Balla u vendos në qendër të mediave katër javë më parë pasi në mediat online u publikua një video intime e tij. Pas publikimit të videos bordi drejtues i Top Medias vendosi ta pezullojë për një periudhë të shkurtër dhe për ta rikthyer në fushatën elektorale.
“Këto ditë që nuk do të jem në ekran do t’u rri më pranë të afërmve të mi, sepse ata janë viktimat e vërteta të këtij sulmi. Po gjatë ditëve që do të jem larg ekranit, do të nis betejën e madhe ligjore kundër gjithë aktorëve të këtij atentati mbi privatësinë e individit. Unë nuk e di nëse do t’i fitoj të gjithë këto
beteja, por si qytetar dhe taksapagues i këtij vendi më duhet të kem besim tek ligji, Prokuroria dhe gjykatat në përpjekjen time që qytetari Sokol Balla të jetë viktima e fundit e këtij sulmi të paprecedentë ndaj privatësisë së individit”, deklaroi Sokol Balla në 23 prill në edicionin kryesor të lajmeve në Top Channel.
