Artan Didi, ish-drejtori i Përgjithshëm i Policisë së Shtetit, i cili dha dorëheqjen e parevokueshme nga detyra, pas skandalit të fshehjes në sirtarët e policisë të urdhër- arrestit belg për deputetin kristiandemokrat, Mark Frroku, është një hap pranë shpërblimit me një detyrë të rëndësishme, që do ta rikthejë në SHBA. Me këtë emërim të mundshëm, Artan Didi bëhet emigranti i radhës që kthehet në “vendin e origjinës”, por këtë herë me “kostum” diplomati.
Mediat e shkruara raportojnë se Artan Didi pritet të marrë zyrtarisht emërimin si oficer kontakti i Policisë së Shtetit në Uashington.
Një ditë më para, nga salla e Kuvendit, deputeti socialist denoncoi katapultimin nëpër përfaqësitë diplomatike të Shqipërisë, emigrantë të vendeve repsektive.
“Do doja të ishte zgjidhur, pamundësia që ligji nuk e rregullon për të çuar njerëz që janë jetuar si emigrantë, ka ndodhur, ka raste të verifikuar, kur dikush që ka jetuar, kthehet këtu rri 6 muaj e shkon diplomat atje, jam kundër, nuk besoj se ka nga ata që dyshohen për spiunë, por një njeri që jeton 10 vjet si emigrant nuk kthehet ti shërbeje vendit si diplomat, edhe të tjerët nuk e bëjnë me ne”, u shpreh Blushi dje në Kuvend.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
