Dy kg eksploziv është sekuestruar nga policia e Vlorës. Gjithashtu janë sekuestruar kapsolla detonatorë e fitil zjarr-përcjellës. Policia thotë se ka arrestuar transportuesin të identifikuar Diftir E. Habipi, vjeç 30, banues në Gjirokastër.
Dy kilogramë eksploziv, kapsolla detonatorë dhe fitil zjarr-përcjellës janë sekuestruar nga Policia e Vlorës gjatë një aksioni të zhvilluar në autostradën Fier-Vlorë.
Burime zyrtare të policisë së Vlorës bënë të ditur se kanë finalizuar me sukses operacionin e koduar “Skedina”, ku u bë i mundur kapja dhe arrestimi në flagrancë i shtetasit, Diftir E. Habipi, vjeç 30, banues në Gjirokastër.
Arrestimi i tij u krye në Levan, ku pas informacioneve të marra në rrugë operative, këtij shtetasi i janë gjetur dhe sekuestruar një sasi prej 4-kallëpesh tritoli, (rreth 2kg) së bashku me kapsollën donatore elektrike.
Prokuroria pranë Gjykatës Gjyqësore të Rrethit Vlorë ka nisur hetimin për veprën penale “Trafikimi i armëve dhe municionit” në bashkëpunim, kundrejt këtij shtetasi rreth një muaj më parë.
Sipas burimeve të policisë së Vlorës, mësohet se lënda eksplozive po transportohej për në Vlorë, ndërsa në pranga ra poseduesi Diftir E. Habipi, i cili drejtonte automjetin.
Aksioni u zhvillua rreth orës 4 të mëngjesit, ndërsa mësohet se personi që tashmë ra në prangat e policisë vinte nga Gjirokastra.
Vlorë, arrestohet me 2 kg tritol në makinë, e transportonte nga Gjirokastra
