Gjykata e Apelit të Krimeve të Rënda ka shtyrë sot seancën për ankimimin e Prokurorisë për pafajësinë e Arben Frrokut.
Arben Frroku është paraqitur paraditen e sotme në Gjykatën e Apelit të Krimeve të Rënda në seancën e parë të procesit gjyqësor, ku do të shqyrtohej ankimimi i Prokurorisë kundër deklarimit të pafajshëm të biznesmenit Frroku. Por mungesa e njërit prej avokatëve të Frrokut, Genc Gjokutajt, është bërë shkak për shtyrjen e seancës për në datën 10 qershor, ora 10.00. Kërkesa e tij për shtyrjen e seancës u pranua nga trupi gjykues, i përbërë nga pesëshja, Fehmi Petku, Nure Dreni, Albana Boksi, Dhimitër Lara dhe Amarildo Laçi.
Në ankimin e depozituar në Apel, Prokuroria për Krimet e Rënda pretendon se Gjykata e Shkallës së Parë ka gabuar kur ka deklaruar të pafajshëm të dyshuarin Arben Frroku për akuzën e “vrasjes në rrethana cilësuese” në dëm të kryekomisarit Dritan Lamaj.
Sipas organit të akuzës, Shkalla e Parë ka gabuar në vlerësimin e dëshmisë së dëshmitarit të mbrojtur, Arben Ndoka.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
