Gjykata e Rrethit Gjyqësor në Fier i ka dhënë fund sot, farsës antikorrupsion me protagonist kryebashkiakun Baftjar Zeqo. Kjo gjykatë ka rrëzuar të gjitha akuzat në seancën e zhvilluar paraditen e kësaj të enjteje.
Prokuroria e Fierit ka kërkuar 2 vjet e 6 muaj burg për kryebashkiakun e këtij qyteti, Baftjar Zeqo. Kryebashkiaku akuzohet për veprën penale “Shpërdorim detyre”.
Sipas organit të akuzës, ai së bashku me disa zyrtarë të tjerë kanë abuzuar me shpërndarjen e banesave sociale. Po sipas këtyre burimeve, mësohet se dokumentet për përfitimin e shtëpive nga persona si të pastrehë, ishin false.
Hetimi nisi pas kallëzimit të bërë nga 15 banorë të Fierit të cilët edhe pse plotësonin kushtet për strehim, nuk e kanë përfituar banesën sociale.
Fier, përfundon farsa antikorrupsion, Baftjar Zeqo i pafajshëm
